Sut y gallwn eich helpu
Mae llawer o lochesi’n gwrthod derbyn cŵn, sy’n ei gwneud yn anos i ffoi rhag cam-drin domestig. Mae gwybod y bydd eich ci’n ddiogel yn eich galluogi i ganolbwyntio ar gael yr help sydd ei angen arnoch.
Os byddwch yn dewis defnyddio ein gwasanaeth, byddwn yma i’ch helpu bob cam o’r ffordd. Bydd eich ci’n cael ei leoli mewn cartref maeth dros dro gydag un o’r gwirfoddolwyr gwych. Bydd yn cael pob gofal, cariad a sylw i deimlo’n gartrefol tan y bydd yn gallu dychwelyd atoch.
Am ddim
Mae’r gwasanaeth yn un cwbl ddi-dâl, a byddwn yn talu cost triniaethau milfeddygol, bwyd ac unrhyw beth arall fydd ei angen arnynt tra byddant yn ein gofal (teganau, danteithion a blancedi clyd).
Cyfrinachol
Mi fydd eich ci’n ddiogel gyda ni. Ni wanwn ni byth roi eich manylion i neb, gan gynnwys y gofalwr maeth a fydd yn gofalu am eich ci. Byddwn hefyd yn eu maethu’n ddigon pell o’r fan lle’r ydych yn ffoi.
Tîm arbenigol
Mae gennym lawer o brofiad o helpu pobl a’u hanifeiliaid anwes sy’n ffoi rhag cam-drin domestig. Byddwn yn deall eich sefyllfa ac yn trafod yr holl all opsiynau â chi.
Help
Rydym yn sylweddoli pa mor anodd yw cael eich gwahanu oddi wrth eich ci. Dyna pam y byddwn yn cadw mewn cysylltiad i’ch diweddaru ac anfon lluniau rheolaidd atoch.
Sut i gyfeirio eich ci
Mae atgyfeirio eich ci at y Prosiect Rhyddid yn syml a chyfrinachol.
Siwrnai faethu eich ci
Mi gewch dawelwch meddwl drwy wybod bod eich ci’n cael gofal da.
Cwestiynau Cyffredin
Darllenwch ein hatebion i’r cwestiynau mwyaf cyffredin a ofynnir am wasanaetha maethu’r Prosiect Rhyddid.
Cael cymorth ar gyfer cam-drin domestig
Manylion am fudiadau a gwasanaethau eraill sy’n cynnig cyngor a chymorth i chi a’ch anifeiliaid anwes.
Stori Gemma
Ar ôl dioddef cam-drin domestig am 3 blynedd, gwnaeth Gemma’r penderfyniad dewr i adael ei chynbartner. Yr unig broblem oedd na allai wynebu gadael ei hannwyl gi Dusty ar ôl. Wrth lwc, roedd ein Prosiect Rhyddid yno i helpu.
Meddai Gemma,
“Yn y diwedd mi wnes i lwyddo i ffoi i loches gyda fy mab, ond nid oedd modd iddynt gymryd Dusty hefyd. A dyna pryd wnes i glywed am y Prosiect Rhyddid. Mi oedden nhw’n wych, ac o fewn 24 awr roeddent wedi dod o hyd i gartref maeth i Dusty.”
Tra’r oedd yn ein gofal, cafodd Dusty sawl trip i’r traeth gyda’i ofalwyr maeth, ac roeddem yn diweddaru Gemma’n rheolaidd gyda lluniau a newyddion. Rydym mor falch o ddweud eu bod yn ôl gyda’i gilydd erbyn hyn ac yn edrych ymlaen at eu siwrnai, gyda’i gilydd.
